१४ जेठ काठमाडौ । गणतन्त्र दिवसमा टोपबहादुर बुढासमेतका १९ जनाले राष्ट्रपति रामचन्द्र पौडेलबाट आम माफी पाउने भएका छन् । राष्ट्रपति कार्यालयका प्रवक्ता शैलजा रेग्मी भट्टराईले आइतबार ४८२ कैदीको बाँकी कैद माफी गरिएको एक विज्ञप्ति जारी गर्दै यस्तो बताएका हुन् ।
मन्त्रीपरिषद्को जेठ १२ गतेको बैठकको सिफारिसमा जेठ १५ गते लागु हुने गरी उनीहरुलाई माफी दिइने भएको हो । रमेश थलङ भन्ने हेमबहादुर थलङ वा लिम्बूसमेतका ४७५ जना र ज्येष्ठ नागरिक उदय नारायण गिरी समेतका सात जना गरी कुल ४८२ जना कैदीहरूकाे भुक्तान हुन बाँकी कैद सजाय माफी भएकाे छ ।
