२० जेठ काठमाडौ । नक्कली भुटानी शरणार्थी प्रकरणमा पक्राउ परेका पूर्व गृहमन्त्री बालकृष्ण खाँणले अदालतमा इन्कारी बयान दिएका छन् । जिल्ला अदालत, काठमाडौँमा थुनछेक बहस हुनुअघि भएको बयानका क्रममा उनले इन्कारी बयान दिएका हुन् ।
मैले पीडितलाई रकम फिर्ता गर्न भनी नरेन्द्र केसीमार्फत आङटावा शेर्पालाई रकम दिएको भन्ने ब्यहोरा झुटो हो, उहाँले केका आधारमा कागजमा यस्तो ब्यहोरा लगाउनुभयो, त्यसबारे जानकारी भएन । मन्त्रालयको कागजपत्र, प्रतिवेदन र विविध लिखितहरु राख्ने र सुरक्षा गर्ने सम्बन्धित महाशाखा र शाखाहरूको जिम्मेवारी हो, उक्त प्रतिवेदनहरू सम्बन्धमा मलाई कुनै जानकारी भएन ।
