२५ जेठ काठमाडौ । दुई दिनमा बढेको सुनको मूल्य बिहीबार सस्तो भएको छ । सुन तोलामा एक हजार रुपैयाँले घटेको हो । चाँदी पनि आज तोलामा पाँच रुपैयाँले सस्तिएको छ ।नेपाल सुनचाँदी व्यवसायी महासंघका अनुसार आज छापावाल सुन प्रतितोला एक लाख ११ हजार ७०० रुपैयाँमा झरेको छ ।
तेजाबी सुन पनि घटेर प्रतितोला एक लाख ११ हजार १५० रुपैयाँमा कारोबार भइरहेको छ । बुधबार सुन तोलामा २० रुपैयाँले महंगिदा प्रतितोला एक लाख १२ हजार ७०० रुपैयाँमा खरिदबिक्री भएको थियो ।बिहीबार सुनसँगै चाँदीको मूल्य पनि घटेको छ ।
आज चाँदी प्रतितोला पाँच रुपैयाँले गिरावट हुँदा प्रतितोला एक हजार ४१५ रुपैयाँमा किनबेच हुँदैछ । अघिल्लो कारोबार दिन भने चाँदीको मूल्य स्थिर रहेको थियो ।
