१४चैत काठमाडाै। नेपाली कांग्रेसका डा. प्रकाशशरण महत अर्थमन्त्री हुने भएको छ । नेपाली कांग्रेसले अर्थमन्त्रीमा डा. महतलाई पठाउने निर्णय गरेको हो ।
कांग्रेस उच्च स्रोतले दिएको जानकारी अनुसार, भोली (बुधबार) नै अर्थमन्त्री डा. महतले सपथ लिने तयारी भइरहेको छ । ८ मन्त्रालय सहित नेपाली कांग्रेस सरकारमा जाने भएको हो ।
अमेरिकाबाट अर्थशास्त्र विद्यावारिधी गरेका डा. महत अर्थमन्त्री भएर आउने निश्चित भएपछि बजारमा सकारात्मक प्रभाव पर्ने अपेक्षा गरिएको छ । पार्टीभित्रको रस्साकसीका बीच संकटोन्मुख अर्थतन्त्रको जिम्मेवारी महतको काँधमा आएको छ ।
