२० चैत काठमाडौ । नेपाल उद्योग वाणिज्य महासंघ पुँजीबजार फोरमका अध्यक्ष अम्बिकाप्रसाद पौडेलको नेतृत्वमा नवनियुक्त अर्थमन्त्री प्रकाशशरण महतले भेट गरी पुँजीगत लाभ कर घटाउन माग गरेका छन् । शेयर बजार उत्थानको लागि विविध सुझाव दिने क्रममा पुँजीगत लाभ कर घटाउन माग गरेका हुन ।
१ वर्षभन्दा कम अवधि शेयर होल्ड गरेर बेच्ने लगानीकर्तालाई २ प्रतिशत र १ वर्षभन्दा बढी समय होल्ड गरेर शेयर बेच्न लगानीकर्तालाई ५ प्रतिशत लाभ कर लगाउन सुझाव दिएको हो । फोरमले अर्थ मन्त्रालय, नेपाल राष्ट्र बैंक र नेपाल धितोपत्र बोर्डले पुँजी बजार सुधारका लागि गर्नुपर्ने विविध विषयहरु समेटेर ६ पृष्ठ लामो सुझाव पेश गरेका थिए ।
