२ फागुन काठमाडौँ । राष्ट्रिय प्रजातन्त्र पार्टीले फागुन ९ गते सरकारलाई मागपत्र बुझाउने र काठमाडौँमा प्रदर्शन गर्ने भएको छ ।
आज पार्टी केन्द्रीय कार्यालयमा बसेको बैठकले राष्ट्रियता, विकास, सुशासन, सेवाप्रवाहसहित जनजीविकाका माग राखेर प्रधानमन्त्री पुष्पकमल दाहाल ‘प्रचण्ड’लाई मागपत्र बुझाउने निर्णय गरेको हो ।
सोही दिन देशका ७४ जिल्लामा प्रदर्शनसहित प्रमुख जिल्ला अधिकारीमार्फत सरकारलाई मागपत्र पेस गर्ने कार्यक्रम समेत तयार गरिएको हो । बैठकले फागुन ९ गते काठमाडौँमा प्रदर्शन समेत गर्ने राप्रपाले जनाएको छ ।
