२४ चैत काठमाडौ। शुक्रबार सुनको भाउमा तोलामा २०० रुपैयाँले घटेको हो । चाँदी भने आज प्रतितोला पाँच रुपैयाँले वृद्धि भएको छ ।
नेपाल सुनचाँदी व्यवसायी महासंघका अनुसार आज छापावाल सुन प्रतितोला एक लाख १० हजार रुपैयाँमा र तेजाबी सुन प्रतितोला एक लाख ९ हजार ५०० रुपैयाँमा कारोबार भइरहेको छ ।
बिहीबार पनि सुनको भाउ ओरालो लागेको थियो । २ दिनमा सुनकाे भाउ ताेलामा एक हजार रूपैयाँले सस्तिएकाे हाे ।
शुक्रबार चाँदीको मूल्य भने वृद्धि भएको छ । यस दिन चाँदी तोलामा पाँच रुपैयाँले बढ्दा प्रतितोला एक हजार ३४० रुपैयाँमा खरिदबिक्री भइरहेकाे छ । अघिल्लो कारोबार दिन भने चाँदी प्रतितोला पाँच रुपैयाँले गिरावट भएर प्रतितोला एक हजार ३३५ रुपैयाँमा किनबेच भएको थियो ।
