२९ जेठ काठमाडौँ । जबरजस्ती करणी मुद्दा दायर भएका पूर्वन्यायाधीश भुवन गिरी दोषी ठहर भएका छन् । जिल्ला अदालत काठमाडौँले न्यायाधीश दुर्गा भुसालको इजलासले गिरीलाई पूर्वश्रीमतीको सहमति बेगर शारीरिक सम्पर्क राखेको ठहर गर्दै ७ वर्ष कैद र ३ लाख रुपैयाँ क्षतिपूर्ति भराउने फैसला सुनाएको हो ।
जरिवानाको रूपमा सुनाएको उक्त रकम पीडितले पाउने छिन् । सम्बन्ध विच्छेदपछि पनि पूर्वश्रीमतीलाई सहमति विना शारीरिक सम्बन्ध राखेको भन्दै उनीविरुद्ध मुद्दा दायर भएको थियो। जिल्लाले यसअघि उनलाई जेठ १३ गते दोषी ठहर गरेको थियो ।
उक्त फैसलाको आइतबार सजाय निर्धारण गर्दै कैद र जरिवाना तोकेको हो ।
