२९ चैत काठमाडौ।ब्याजदर घट्ने भएपछि बढ्यो बजार वाणिज्य बैंकहरुले मुद्दती निक्षेपको ब्याजदर घटाउने निर्णय गरेसँगै शेयर बजार बढ्न थालेको छ। नेपाल बैंकर्स संघले वैशाखदेखि मुद्दती निक्षेपको ब्याजदर एकल अंकमा झार्ने निर्णय गरेसँगै शेयर बजारमा सकारात्मक प्रभाव परेको देखिन्छ।
बुधबार दुई घण्टाको कारोबारमा नेप्से परिसूचक ३ प्रतिशत बढेको छ। सो अवधिसम्ममा नेप्से ५६.३४ अंक बढेर १९२७.६७ विन्दुमा पुगेको छ।
नेप्सेसँगै यस दिन कारोबार रकम पनि बढेको छ। विगत केही दिनहरुमा ४ घण्टाको कारोबारमा १ अर्बभन्दा कम शेयर कारोबार भइरहेको बजारमा यस दिन दुई घण्टामा नै करिब १ अर्बको कारोबार भइसकेको छ।
