६ कात्तिक काठमाडौँ । राष्ट्रिय स्वतन्त्र पार्टीले आज पनि निरन्तरता विरोध प्रदर्शन जारी राखेको छ । रास्वपाले पार्टी सभापति रवि लामिछाने पक्राउको विरोधमा आज पनि विरोध प्रदर्शन जारी राख्ने भएको हो ।
पार्टीले पोखराको जिरो किमिमा आज दिउँसो १ः३० बजे भेला हुनका लागि आफ्ना कार्यकर्ता र समर्थकहरूलाई आग्रह गरेको छ।
सहकारी ठगी प्रकरणमा प्रहरीले लामिछानेलाई शुक्रवार पक्राउ गरेदेखि नै रास्वपाले विरोध प्रदर्शन जारी राखेको छ। पक्राउ परेका सभापति लामिछानेलाई अदालतले हिरासतमा राखेर अनुसन्धान गरेको छ । कार्यकर्ताहरुले रवि रिहा नभए सम्म विरोध प्रदर्शन जारी रहेने पनि बताए ।
