११ कात्तिक काठमाडौँ । गोरखाको बारपाक सुलिकोट गाउँपालिकामा भएको पाचौँ राष्ट्रपति रनिङ शिल्ड प्रतियोगिताको उपाधि यो बर्ष पनि माझथर मावि स्वाराले हात पारेको छ । गाउँपालिकाको आयोजनामा भएको रनिङ शिल्डमा पालिका भित्रका १२ वटा विद्यालयको सहभागिता रहेका थिए ।
गाउपालिकाले शहिद आशाकाजी श्रेष्ठ स्मृती रंगशालामा बहाकोटको खेल मैदानमा भएको प्रतियोगितामा प्रथम हुने विद्यालयले १२ स्वर्ण, ६ रजत र ४ काँस्य गरि कूल २२ पदक जितेर गापालिका वडा न ४ मा रहेको श्री माझथर माविले उपाधि बिजेता बनेको गाउँपालिका शिक्षा शाखा प्रमुख भिमकुमार श्रेष्ठले बताए । यस प्रतियोगितामा सहभागि भई वजिेता बन्नेको विद्यालयले नगद रु ३० हजार पुरस्कारसहित ट्रफि, मेडल र प्रमाण पत्र पाएको छ । गाउपालिकाले ५ बर्ष देखि हरेक बर्ष गर्दै आएको रनिङ शिल्डमा माझथर माविले लगातार ३ वर्ष विजेता बन्दै बारपाक सुलिकोट गाउँपालिकाको रनिङ शिल्डमा आफ्नो बनाएको हो । उक्त प्रतियोगितामा उपविजेता बनेको श्री सूर्यज्योति मावि पाल्खुले ७ स्वर्ण, ७ रजत र ५ काँस्य गरि कूल १९ पदक जितेर दोस्रो बनेको थियो ।
दोस्रो वा उपविजेता बनेको बिद्यालयले नगद रु २० हजार पुरस्कार सहित ट्रफि, मेडल प्रमाण पत्र पाएको गरेको गाउपालिका प्रवक्त शुभप्रभात नेपालीले जानकारी दिए । प्रतियोगिताको क्रममा सहभागि हुने श्री शैलपुत्री मावि देउरालीले २ स्वर्ण, २ रजत र १ काँस्य गरि कूल ५ पदक सहित तेस्रो भएको थियो । प्रतियोगितामा तेस्रो हुने विद्यालयले नगद रु १० हजारसहित ट्रफि, मेडल र प्रमाण पत्र पाएको हो । गाउपालिकाको आयोजनामा गरिएको प्रतियोगितामा ३० विधामा खेल प्रतिस्पर्धा भए मध्येमा भलिबल खेलको छात्रतर्फ दुर्गा माविका कविराज विक र छात्रातर्फ माझथर माविका पूजा गुरुङ उत्कृष्ट खेलाडी घोषित, कबड्डी खेलको छात्रतर्फ सूर्यज्योति माविका सन्देश श्रेष्ठ र छात्रातर्फ सूर्यज्योति माविकै अञ्जना परियार उत्कृष्ट खेलाडी बन्न सफल भएका छन् ।
यसै गरि त्यहाँ भएका विभिन्न खेलबाट एथलेटिक्स छात्रतर्फ सूर्यज्योति माविका पविन रम्तेल र छात्रातर्फ माझथर माविका पुनम गुरुङ उत्कृष्ट खेलाडी घोषित बनेका गाउँपालिकाले जनाएको छ । यसै प्रतियोगिता बाट विजेता टिमलाई पालिकाका अध्यक्ष विष्णु भट्टको हातबाट पुरस्कार वितरण कार्यक्रम गरिएको हो ।
प्रतियोगितामा १० वटा माध्यामिक र २ वटा आधारभूत गरि जम्मा १२ वटा विद्यालयबाट करिब ४ सय भन्दा बढी विद्यार्थीहरुको सहभागिता रहेको गाउँपालिका शिक्षा शाखा प्रमुख श्रेष्ठले बताए । गत कात्तिक ८ गतेबाट सुरु भएको प्रतियोगितामा कूल ३० विधामा प्रतिस्पर्धा भएको हो । पाचौँ रनिङ शिल्डको पुरस्कार वितरण कार्यक्रममा प्रमुख प्रशासकीय अधिकृत सुवास आलेले कार्यक्रमलाई सम्बोधन गर्दै खेलकूद प्रतियोगिताले खेलाडीको अनुशासन, खेलभावनाको विकासको क्षेत्रमा धेरै टेवा पु¥याउने समेत बताउनु भयो ।
