१९ बैशाख काठमाडौ।भारतीय आयल निगमले पेट्रोलियम पदार्थको मूल्य घटाएर पठाएको छ । भारतबाट नयाँ मूल्य सूचीमा पेट्रोल, डिजेल र मट्टितेलको मूल्य घटेर आएको नेपाल आयल निगमले जनाएको छ ।पेट्रोल प्रतिलिटर ४ रुपैयाँ ३३ पैसा, डिजेल ४ रुपैयाँ ११ पैसा र मट्टितेल ३ रुपैयाँ ४८ पैसा घटेर आएको हो । त्यस्तै, खाना पकाउने एलपी ग्याँस पनि प्रतिसिलिन्डर ३ सय ९ रुपैयाँले घटेको छ ।
भारतबाट मूल्य घटेर आए पनि नेपाल आयाल निगमले भने भाउ घटाउनेबारे निर्णय गरिसकेको छैन । हरेक १५–१५ दिनमा आइओसीले नेपाल आयल निगमलाई इन्धनको मूल्यसूची पठाउने गर्दछ । हाल नेपाली बजारमा पेट्रोल प्रतिलिटर १ सय ७५ रुपैयाँ, डिजेलको १ सय ६५ रुपैयाँ, हवाई इन्धन १ सय ६० रुपैयाँ र खाना पकाउने ग्याँस प्रतिसिलिण्डर १ हजार ८ सय रुपैयाँमा बिक्री भइरहेको छ ।
