३ जेठ काठमाडौ।बुधबार सुनको भाउमा गिरावट देखिएको छ । सुन तोलामा एक हजार १०० रुपैयाँले घटेको छ । निरन्तर तीन दिन स्थिर रहेको चाँदीको भाउ पनि यस दिन सस्तिएकाे छ ।आज छापावाल सुन प्रतितोला एक लाख १० हजार रुपैयाँमा र तेजाबी सुन प्रतितोला एक लाख ९ हजार ५०० रुपैयाँमा झरेको छ । मंगलबार भने सुन तोलामा १०० रुपैयाँले बढ्दा प्रतितोला एक लाख ११ हजार १०० रुपैयाँ पुगेको थियो ।
चाँदीको मूल्य पनि आज ओरालो लागेको छ । चाँदी तोलामा पाँच रुपैयाँले सस्तिएर प्रतितोला एक हजार ३७० रुपैयाँमा खरिदबिक्री भइरहेको छ । अघिल्लो तीन कारोबार दिन चाँदीको भाउ स्थिर रहेको थियो ।
