काठमाडौं । बिहीबार बसेको मन्त्रिपरिषद बैठकका निर्णयहरु सार्वजनिक गरिएको छ । शुक्रबार मध्यान्ह पत्रकार सम्मेलन गर्दै सरकारका प्रवक्ता तथा सञ्चार मन्त्री ज्ञानेन्द्र बहादुर कार्कीले मन्त्रिपरिषदले गरेका निर्णयहरु सार्वजनिक गरेका हुन् ।
विभिन्न देशमा २० राजदूत सिफारिस, हेटौंडा सिमेन्ट उद्योगको महाप्रबन्धकमा वसन्तकुमार पाण्डेलाई नियुक्त गर्ने, अमलेखगञ्ज सवस्टेशनका लागि जग्गा प्राप्ति गर्ने र प्रारम्भिक कारवाही गर्ने चलाउने अधिकारी तोक्ने, पश्चिमी सेति करिडोर ४०० केभी प्रशारण लाइन आयोजनाको लागि जग्गा प्राप्ति र प्रारम्भिक कारवाही चलाउने अधिकारी तोक्ने लगायत २३ निर्णयहरु भएको प्रवक्ता कार्कीले बताएका छन् ।
