२५ कात्तिक काठमाडौँ । आज साताको पहिलो दिन सुनको मूल्य घटेको छ । आज आईतबार सुन प्रतितोला ५०० रुपैयाँले घटेको हो ।
नेपाल सुन–चाँदी व्यवसायी महासंघका अनुसार आज छापावाल सुन प्रतितोला एक लाख ६६ हजार रुपैयाँमा कारोबार भइरहेको छ । गत शुक्रबार छापावाल सुन प्रतितोला एक लाख ६६ हजार ५०० रुपैयाँमा कारोबार भएको थियो ।यस दिन चाँदीको भाउ पनि तोलामा २० रुपैयाँले घटेको छ ।
चाँदीको मूल्य प्रतितोला एक हजार ९६० रुपैयाँ खरिदबिक्री भइरहेको छ । शुक्रबारको बजारमा चाँदीको मूल्य प्रतितोला एक हजार ९८० रुपैयाँ खरिदबिक्री भएको थियो ।
