काठमाडाै।युरोपा लिगको खेलमा स्पेनिस क्लब सेभियाका गोलकिपर मार्को दिमित्रोभिकमाथि आक्रमण गरेको आरोपमा डच क्लब पिएसभी आइनडोभेनले एक समर्थकलाई आफ्नो रंगशालामा ४० वर्षका लागि प्रतिबन्ध लगाएको छ।
उनलाई पिएसभीको रंगशाला वरपरको क्षेत्रबाट पनि दुई वर्षको लागि प्रतिबन्ध लगाइएको थियो। तर पनि आक्रमणकारीले एक साथीले किनेको टिकट प्रयोग गरेर मैदानमा प्रवेश गरेको बताइएको थियो।
उनले फेब्रुअरीको अन्त्यमा प्लेअफको दोस्रो लेगको अन्त्यमा दिमिट्रोभिकको नजिक पुगेर उनको अनुहारमा मुक्का हानेका थिए।
