नेपालले यसअघि पनि धेरै पटक मलेसियासँग प्रतिस्पर्धा गरिसकेको छ । मलेसियासँगको पछिल्लो पाँच भेटमा नेपाल अपराजित छ ।नेपाल आज पनि घरेलु मैदानको फाइदा उठाउँदै मलेसियाविरुद्धको पुरानै लयलाई निरन्तरता दिने चाहनामा छ ।
१० राष्ट्रले प्रतिस्पर्धा गर्ने यस प्रतियोगितामा सहभागि टोलीलाई दुई समूहमा विभाजन गरिएको छ । जसअन्तर्गत समूह ‘ए’मा आयोजक नेपालसँगै मलेसिया,साउदी अरेविया,कतार र ओमान रहेका छन् । यस्तै समूह ‘बी’मा बहराइन, कुवेत, सिंगापुर, हङ्गकङ्ग र युएई रहेका छन् ।बैशाख १८ गतेसम्म किर्तिपरस्थित टियु क्रिकेट मैदान र मुलपानी क्रिकेट मैदान गरि दुई स्थानमा हुने प्रतियोगितामा कुल २४ खेल हुनेछन् ।
