५ बैशाख काठमाडौ।शहिद स्मारक ए डिभिजन लिग फुटबलमा आज (मंगलबार) बाट दशौं चरणका खेलहरु शुरु हुँदैछ ।दशौं चरणको पहिलो दिन आजका दुवै खेल त्रिपुरेश्वरस्थित दशरथ रंगशालामा हुनेछ । दिउँसो ३ बजे शुरु हुने आजको पहिलो खेलमा एफसी खुमलटार र न्युरोड टिम एनआरटीबिच प्रतिस्पर्धा हुनेछ ।
९ खेलमा १० अंकसहित १० औं स्थानमा रहेको खुमलटार आज चौंथो जितको लागि मैदानमा उत्रिने छ । समान खेलमा ७ अंकसहित रेलिगेशन जोन अर्थात् १३ औं स्थानमा एनआरटी आज दोश्रो जित हासिल गर्दै अंक तालिका सुधारको योजनामा हुनेछ ।१२ अंकसहित आठौं स्थानमा रहेको आर्मी आज चौंथो जितको लागि मैदानमा उत्रिनेछ ।
