१४ बैशाख काठमाडौ। एसिसी प्रिमियर कपमा हङकङलाई ३० रनले हराउँदै समूह बी बाट कुवेत समूह उपविजेता बन्दै कुवेतले सेमिफाइनलमा स्थान बनाएको छ । २ सय ७३ रनको विशाल लक्ष्य पछ्याएको हङकङ निर्धारित ५० ओभरमा २ सय ४२ रनमा अल आउट भयो । हङकङका कप्तान निजाकत खानले ९७ बलमा १ चौका र २ छक्कासहित सर्वाधिक ६० रन बनाए ।
हङकङका तल्लोक्रमका ब्याटर यासिन मुर्तजा ४३ बलमा २ चौका र ३ छक्कासहित ४३ रन बनाएपनि टोलीको हार टार्न सकेनन् । अंशुमन रथ १३, बाबर हायत डक, जिशान अली ३२ बलमा २ चौका र १ छक्कासहित २४ र हरुन अर्शद १२ रनमा आउट भए ।
कुवेतका स्पिनर यासिन पटेलले १० ओभरमा १ मेडनसहित ३५ रन खर्चेर २ विकेट लिए । शाहरुख क्युदुसले ८ ओभरमा २७ रन खर्चेर ३ विकेट लिए । सैद मोनिब र इद्रिसले समान एक विकेट लिए ।
कुवेतलाई ओपनर आद्नान इद्रिसले ४५ बलमा ६ चौका र २ छक्कासहित ४५ रनमा आउट भए । रविजा सनदरुवान गोल्डेन डक आउट भएका थिए । प्रमुख ब्याटर परविन्दर कुमार ३, कप्तान मोहम्मद अस्लाम ३२ र मित भावसार डक आउट भए ।
