१६ बैशाख काठमाडौं ।एसिसी प्रिमियर कपमा वर्षाले प्रभावित नेपाल र कुवेतबीचको सेमिफाइनल खेल अब ४२-४२ ओभरको हुने भएको छ। ५० ओभरबाट घटाइएर ४५ ओभरमा झारिए पनि फेरि वर्षा भएपछि खेल रोकिएको थियो।
कीर्तिपुरस्थित त्रिवि मैदानमा टस हारेर पहिले ब्याटिङ गरेको नेपालले २३.२ ओभरमा ३ विकेटको क्षतिमा १४१ रन बनाउदा रोकिएको थियो।
नेपालका लागि रोहित पौडेल ३० रन र कुशल मल्ल ३२ रन बनाएर खेलिरहेका छन्। ओपनरद्वय कुशल भुर्तेल ४३ रन र आसिफ शेख ३१ रन बनाएर आउट भए। यस्तै भीम सार्कीले एक रन मात्र जोड्न सके। 
