१७ बैशाख काठमाडौ । अभिनेता दयाहाङ राई र मिरुना मगरको ‘जारी’ तेस्रो सातामा प्रवेश गरेको छ । वैशाख १ गतेबाट प्रदर्शनमा आएको फिल्म तेस्रो साता पनि उच्च शोजका साथ प्रदर्शन भइरहेको छ ।फिल्मले पहिलो र दोस्रो साता गरी करिब १२ करोड व्यापार गरेको निर्माण टिमले जानकारी दिएको छ ।
दर्शक तथा समीक्षकबाट पनि राम्रो प्रतिक्रिया पाएको फिल्म देश तथा विदेशमासमेत प्रदर्शन भइरहेको छ । फिल्म केही दिनअघि बेलायतमा पनि भव्य रेडकार्पेट प्रिमियर गरिएको थियो । फिल्मको प्रिमियर शोमा सहभागी हुन अभिनेता दयाहाङ राई, अभिनेत्री मिरुना मगर र निर्देशक उपेन्द्र सुब्बा बेलायत पुग्नुभएको थियो ।
